Background Image
Previous Page  170 / 192 Next Page
Information
Show Menu
Previous Page 170 / 192 Next Page
Page Background

помысел молчание и кротость смиренномудренну,

уклонялся от всякия злобныя вещи и моляся Богу

безпрестани.

Прилучися у него быти некий полский зверь,

Лис именем, живяще в дому его, служа ему неко-

лико лет, с ним бо от дому ко церкве и от церкве

хождаше, николиже отстаяще. И той пресвитер

возрастом быв средней, лицом кругловит, брада

кругла, велика бела, недолга, взором кроток, а се­

дины его быша белы, постом украшены. И до-

стиже девяноста дву лет. И в то время прилучися

бытии во оной веси ис Кевролы Воскресенскому

игумену Иринарху для збору церковной дани, и

той пресвитер Симеон от того игумена Иринарха

приал ангельский чернечества образ, и посхимися

именем быв инок Сергий. И исповедався и при-

частися Святых Таин, предаде честную свою душу

в руце Божии в лето 7093 месяца ноября в 16 день.

И погребен бысть, где ж сам повеле, подле олтарь

церкви святого Преображения Господня. Домаш-

нии же его устроиша над ним голубец древян. По

преставлении же преподобнаго болныя начать ко

гробу приходити и из голубчика персти оконцем

имаху, и недуги и болезни отираху, ту исцеление

всем подая во многие годы.

/ /

(л. 430)

Чюдо 1.

Быв некто пономарь в веси на Малой Пенежке,

служил у церкви Боголепнаго Преображения Го­

сподня и у Великомученика Георгия Иулиян име